Almatyda avtobýs órtendi

ALMATY. KAZINFORM – Almatylyq órt sóndirýshiler otqa oranǵan avtobýsty sóndirdi.

Almatyda otqa oranǵan avtobýstyń vıdeosy jelige shyqty.

Almaty qalalyq TJD-nyń málimetinshe, qaladaǵy Alataý aýdanynyń qutqarýshylary saǵat 11:45-te «Qarasý» shaǵyn aýdanynda órtengen avtobýsty sóndirýge jiberildi.

Qutqarýshylar saǵat 11:53-te jetti, avtobýs salonynda jolaýshylar bolǵan joq. Jalyn sharpyǵan aýmaq 10 sharshy metrdi qurady, órt saǵat 12.00-de sóndirildi. Qaza tapqandar men zardap shekkender bolǵan joq. Órttiń shyǵý sebebi anyqtalýda.

Órtti sóndirýge qalalyq TJD-nyń 10 adamy men 2 tehnıkasy jumyldyryldy.

View this post on Instagram

A post shared by ınternet-SMI «Kris P Official» (@kris__p__official)