Almatyda avtobýs órtendi

ALMATY. KAZINFORM – Almatynyń Jetisý aýdanynda jolaýshylar avtobýsy órtendi.

Jol ortasynda janyp jatqan qoǵamdyq kóliktiń vıdeosy áleýmettik jelide tarady.

Tótenshe jaǵdaı búgin, túski saǵat 15:05 shamasynda boldy.

«TJD kúshteri men quraldary Jetisý aýdany, Raıymbek dańǵyly men Súıinbaı kóshesi qıylysyna jiberildi. Órt sóndirýshiler kelgen kezde jolaýshylar avtobýsy janyp jatty. Órt sóndirýge oqpandar berildi»,- dep habarlady TJD baspasóz qyzmeti.

Órt saǵat 15:16 -da oqshaýlandy. Zardap shekkender joq.