15:30, 15 Aqpan 2024 | GMT +5
Almatyda avtobýs órtendi
ALMATY. KAZINFORM - Almatyda Altynsarın dańǵylynda №95 baǵyttaǵy avtobýs órtendi. Tótenshe jaǵdaı búgin, 15 aqpan túski saǵat 12: 38 shamasynda bolǵan.
Tótenshe jaǵdaı departamentiniń málimetinshe, qoǵamdyq kólikte jolaýshylar bolmaǵan.
«Órt sóndirý brıgadasy oqıǵa ornyna kelgenge deıin № 95 baǵyttaǵy avtobýstyń júrgizýshisi Qurmanǵazy Maqashev untaqty órt sóndirgishterdi qoldanyp, otqa oranǵan aýa ótkizgish qurylǵysyn sóndirgen. Salonda jolaýshylar bolmaǵan. Zardap shekkender joq», - dep habaralady departamentten.
