Almatyda avtobýs aıaldamaǵa soǵylyp, adamdy qaǵyp ketti

ALMATY. KAZINFORM – Almatynyń Jetisý aýdanynda jolaýshylar mingen avtobýs jol apatyna ushyrady.

Oqıǵa búgin, 24 qazanda saǵat shamamen 12:35-te baraholka mańynda bolǵan.

Áleýmettik jelilerde avtobýstyń aıaldamaǵa soǵylǵan sáti túsirilgen vıdeo tarady.

Almaty polıtsııa departamentiniń málimetinshe, Yutong markaly avtobýstyń júrgizýshisi Soltústik aınalym kóshesimen soltústik baǵytta kele jatyp, rólge ıe bola almaı qalǵan. Saldarynan kólik bordıýrge, odan keıin aıaldamaǵa soǵylyp, sol sátte sonda turǵan jaıaý júrginshini qaǵyp ketken.

– Jol-kólik oqıǵasy saldarynan eki adam – aıaldamada turǵan jaıaý júrginshi men avtobýstyń bir jolaýshysy medıtsınalyq kómekke júgindi. Oqıǵanyń mán-jaıyn Jetisý aýdandyq polıtsııa basqarmasynyń qyzmetkerleri anyqtap jatyr, - delingen polıtsııa departamentiniń baspasóz qyzmeti taratqan habarlamada.

Eske salaıyq, buǵan deıin Almatyda avtobýs egde jastaǵy áıeldi qaǵyp ketkenin habarlaǵanbyz.

Jol apatynan áıel túrli dene jaraqatyn alyp, qaladaǵy aýrýhanalardyń birine jetkizildi.