Almatyda aýlalardaǵy qýraǵan aǵashtardy kesý jumystary bastaldy
ALMATY. KAZINFORM – «Taza Qazaqstan» respýblıkalyq aktsııasy aıasynda Almatyda kóppáterli turǵyn úılerdiń aýmaǵynda shirigen aǵashtardy sanıtarlyq maqsatta kesý jáne ornynan alyp tastaý jumystary bastaldy.
Almaty ákimdiginiń málimetinshe, bıyl 29 mamyrdan 29 maýsymǵa deıin aǵashtardy sanıtarlyq maqsatta kesý soǵys ardagerleri, zeınetkerler, 1, 2 toptaǵy múgedektigi bar adamdar, kámeletke tolmaǵan balalardy tárbıelep otyrǵan jalǵyzbasty analar syndy jalǵyz ózi turatyn áleýmettik osal topqa (HÁOT) jatatyn jandardyń aýlasynda júrgiziledi.
«HÁOT-ten aǵashtardy sanıtarlyq maqsatta kesý boıynsha ótinim Almaty qalasynyń Jumyspen qamtý jáne áleýmettik baǵdarlamalar basqarmasynda 338-30-24 telefon nómiri boıynsha qabyldanady. Aǵashtardyń shirigenin anyqtaý úshin aldyn ala tekserý júrgiziledi. Keıin aýdan ákimdikteri tıisti is-sharalar ótkizedi», - dep habarlady ákimdikten.
Kún raıynyń qolaısyz kezinde qulaý qaýpi bar apatty jaǵdaıdaǵy aǵashtardy alyp tastaý jumystary Almatyda erekshe baqylaýda bolady. Ásirese aǵashtardyń jaı-kúıine turaqty túrde monıtorıng júrgizilip otyrady. Aýrý, qýraǵan, apatty jaǵdaıda turǵan aǵashtar kesiledi. Jazataıym oqıǵalardyń aldyn alý úshin aǵash kesý týraly sheshim jalpyǵa birdeı qorytyndy shyqqan soń qabyldanady. Onyń ornyna 10 ese mólsherde kóshet otyrǵyzylady.
«Almaty – bizdiń ortaq úıimiz» naýqany jáne «Taza Qazaqstan» respýblıkalyq aktsııasy aıasynda Almaty ákimi Erbolat Dosaevtyń bastamasymen megapolıste bir aıda 30 myńnan astam japyraqty aǵash jáne 5 myń buta otyrǵyzyldy, bul Nıý-Iorktiń barlyq ortalyq saıabaǵynan kóp.
«Almaty – baq qala» aktsııasy barysynda qalanyń barlyq aýdanynda 8 205 jasyl jelek otyrǵyzyldy, onyń 4 myńnan astamy – alma aǵashy. Turǵyndarǵa óz aýlasyn kógaldandyrý úshin 3 myń kóshet taratyldy. «Mektep aýlasynyń oazısi» festıvali aıasynda almatylyq oqýshylar 20 myńnan astam gúl, 430 jemis aǵashy jáne 200 týıa kóshetin otyrǵyzdy.
Memleket basshysynyń tapsyrmasymen «Taza Qazaqstan» respýblıkalyq aktsııasy eldi mekender aýmaǵyn kórkeıtý men kógaldandyrýǵa, qorshaǵan ortaǵa uqypty qaraý qundylyqtaryn qalyptastyrýǵa, halyq arasynda joǵary azamattyq jaýapkershilik pen ekologııalyq mádenıetti tárbıeleýge baǵyttalǵan.
