Almatyda aýyr qylmysqa qatysy bar top ustaldy
ASTANA. KAZINFORM – Іshki ister mınıstrligi «Zań men Tártip» qaǵıdatyn nyǵaıtýǵa, qoǵamdyq qaýipsizdikti qamtamasyz etýge jáne qylmystyq toptardyń qyzmetin toqtatýǵa baǵyttalǵan keshendi is-sharalardy júıeli túrde júzege asyryp keledi, - dep jazdy Polisia.kz.
8 mamyr kúni polıtsııa qyzmetkerleri 10 adamnan turatyn qylmystyq top múshelerin ustady. Olardyń qatarynda buryn sottalǵan qylmystyq orta ókilderi de bar.
Kúdiktiler megapolıs aýmaǵynda jasalǵan birqatar aýyr jáne asa aýyr qylmystarǵa, onyń ishinde qarý qoldanylǵan buzaqylyq, bopsalaý, densaýlyqqa aýyr zııan keltirý, sondaı-aq qarý-jaraq pen ózge de tyıym salynǵan zattardyń zańsyz aınalymyna qatysy bar dep kúdikke ilindi.
- 21 sanktsııalanǵan tintý júrgizildi. Zańsyz aınalymnan qoǵamdyq qaýipsizdikke qaýip tóndiretin edáýir kólemdegi qarý-jaraq pen ózge de zattar tárkilendi. Mysaly, kúdiktilerdiń biriniń turǵylyqty jerinen birneshe birlik atys jáne travmatıkalyq qarý, onyń ishinde kesilgen myltyqtar men oq-dárileri bar Kalashnıkov avtomaty tabyldy. Atalǵan qarý qańtar oqıǵasy kezinde Jambyl oblysy polıtsııa departamentinen urlanǵan. Kúdiktilerdiń barlyǵy ýaqytsha ustaý ızolıatoryna qamaldy. Sot qamaýda ustaý túrindegi bultartpaý sharasyn sanktsııalady. Quqyqqa qarsy áreketterdiń qosymsha epızodtaryn jáne ózge de qatysy bar tulǵalardy anyqtaýǵa baǵyttalǵan tergeý jáne jedel is-sharalar jalǵasyp jatyr. ІІM azamattardyń qaýipsizdigin qamtamasyz etý, qoǵamdyq tártipti nyǵaıtý jáne jasalǵan qylmystar úshin jazanyń bultartpastyǵyn qamtamasyz etý jumystaryn jalǵastyrady. «Zań men Tártip» qaǵıdatyn iske asyrý negizgi baǵyttardyń biri bolyp qala beredi, - dedi ІІM Uıymdasqan qylmysqa qarsy kúres departamentiniń ókili Qýandyq Alpys.
Aıta keteıik, Aqtaý garnızonynda sarbazdyń ólimine qatysty komandırge qylmystyq is qozǵaldy.
