Almatyda aýylsharýashylyǵy jármeńkesi ótedi

Aldaǵy senbi-jeksenbi kúnderi megapolıste Túrkistan oblysynyń taýar óndirýshileri aýylsharýashylyǵy jármeńkesin ótkizedi, dep habarlaıdy QazAqparat tilshisi.

Almaty qalasynyń ákimdigi habarlaǵandaı, almatylyqtarǵa Túrkistan oblysynyń fermerleri et-sút, jemis-kókónis, shujyq, sondaı-aq, un, jarma, ósimdik, janýar maıy, basqa da ónimderdiń 50-den astam túrin usynady.

«Ónimniń jalpy kólemi 300 tonna, onyń ishinde et ónimi – 60 tonna; jemis-kókónis ónimi – 200 tonna; sút ónimi – 15 tonna; balyq – 5 tonna; ózge de ónimder – 20 tonna»,- delinedi habarlamada.

Keńeıtilgen aýylsharýashylyǵy jármeńkesi 08:00-den 17:00-ge deıin Shevchenko kóshesindegi Sh.Ýálıhanov alańy (Qonaev pen Pýshkın kósheleriniń arasynda) mekenjaı boıynsha ótedi.