Almatyda áýejaıyna salynǵan 122 mln teńge aıyppul zańsyz dep tanyldy
ALMATY. KAZINFORM - Almaty qalasynyń prokýratýrasy turaqty túrde mańyzdy ınvestıtsııalyq jobalarǵa qoldaý jasalyp jatqanyn habarlady.
Qala prokýratýrasynyń málimetinshe, 85 mlrd teńgege jýyq ınvestıtsııa quıyp, 500-den astam jumys ornyn ashqan Almaty áýejaıynyń basqarýshy kompanııasy - «TAV Qazaqstan» JShS-yna zańsyz aıyppul salynǵan.
Atap aıtqanda, Almaty qalasy Energetıka jáne sýmen jabdyqtaý basqarmasynyń «Almaty Sý» mekemesi sýmen jabdyqtaý men sý burý qyzmetterine 122 mln qosymsha tólem men aıyppul salǵan. Túrksib aýdanynyń prokýratýrasy qadaǵalaý aktisin engizip, zańsyz áreketterdiń jolyn kesti. Aıyppul men qosymsha tólemder joıyldy.
- Eger siz ınvestor bolsańyz jáne jobańyzdy iske asyrýda másele týyndasa, onda prokýratýra qyzmetkerimen baılanysyp, kásipkerler men ınvestorlardyń quqyqtaryn qorǵaý jóninde Call-ortalyǵy arqyly (baılanys nómiri +77017755500) nemese Almaty qalasy prokýratýrasynyń front-ofısinen (ıÝ.Pomerantsev kóshesi, 7) quqyqtyq keńes ala alasyz, - dep habarlady prokýratýradan.
Eske salaıyq, buǵan deıin Almatyda 500-den astam zańsyz saýda oryndary men oıyn-saýyq apparaty buzylǵanyn jazǵanbyz.