Almatyda áýe keńistigi jabyldy degen aqparat jalǵan — Qorǵanys mınıstrligi
ALMATY. KAZINFORM — Áleýmettik jelilerde «áskerılerdiń qımyl-áreketterine baılanysty Almatynyń áýe keńistigi jabylyp, áskerı jaǵdaı engizildi» degen aqparat tarady. Alaıda Qorǵanys mınıstrligi bul málimet shyndyqqa sáıkes kelmeıtinin habarlady.
Vedomstvo Almatynyń áýe keńistigine eshqandaı shekteý engizilmegenin málimdedi.
— Áýe keńistigin paıdalaný Qazaqstan Respýblıkasynyń zańnamasynyń talaptaryna sáıkes ýákiletti organdar arqyly júzege asyrylady. Áleýmettik jelilerde taralǵan aqparattyń jalǵan ekenin esterińizge salamyz, — delingen habarlamada.
Munyń aldynda Almaty halyqaralyq áýejaıy da bul aqparatty joqqa shyǵarǵan edi.
Áýejaıdyń baspasóz qyzmetiniń málimetinshe, nysan shtattyq rejımde jumys istep tur jáne reısterge qatysty eshqandaı shekteý joq.
