Almatyda aýa sapasyn jaqsartý úshin ne istelip jatyr

Almatyda jyl saıyn shamamen 127 myń tonna lastaýshy zat aýany lastaıdy. Onyń ishinde 70 myń tonnadan astamy (55%) avtokólikke tıesili, 2-shi, 3-shi JEO-dan jáne qala kásiporyndarynan shamamen 46 myń tonna (36%), jeke sektordan 11 myń tonna (9%) lastaýshy zat aýaǵa taraıdy, dep habarlaıdy Kazinform.

Almaty qalasy ákiminiń orynbasary Álisher Ábdiqadyrov joǵaryda atalǵan ekologııalyq máselelerdi sheshý boıynsha istelip jatqan jumystarǵa toqtaldy.

«Avtokólikterdiń shyǵaryndylarynyń áserin azaıtý úshin 19 ekopost, 3 jyljymaly beket pen zerthana jumys isteıdi. Olar 185 myń avtokóliktiń ólsheýin oryndady. Sondaı-aq bıyl benzın, gaz, dızeldik otynmen júretin avtokólikterge «Shymbulaq» taý kýrortyna kirýge tyıym salyndy. Shyǵaryndylardyń shekti ruqsat etilgen normalarynyń jıyntyq kólemin ázirleý aıaqtalýda», - dedi spıker.

Almaty qalasy ákiminiń orynbasary bıyl QR zańnamasyna birqatar túzetýler engizilgenin atap ótti.

«Olar: máslıhatqa atmosferalyq aýany qorǵaý qaǵıdalaryn bekitýge quzyret berý, avtokólikterdi tehnıkalyq baıqaý máselelerin memlekettik retteýdi kúsheıtý, sebepteri joıylǵanǵa deıin paıdalanylǵan gazdardaǵy zııandy zattardyń mólsheri joǵary avtokólikterdi paıdalanýǵa tyıym salý. Zańnamalyq túzetýler aýanyń lastaný kózderin basqarýdy jaqsartýǵa baǵyttalǵan», - dep atap ótti Álisher Ábdiqadyrov.