Almatyda aýa raıyna baılanysty birneshe reıs keshigip jatyr
ALMATY. KAZINFORM – Almaty halyqaralyq áýejaıynda aýa raıyna baılanysty birneshe reıs keshigip jatyr.
Onlaın-tablodaǵy málimetke qaraǵanda, Atyraýǵa úsh reıs, sondaı-aq Aqtaý men Úrimshige ushatyn reıster keshigip jatyr. Sonymen qatar Shymkent, Atyraý, Fýkýok, Phýket, Jezqazǵan, Dýbaı, Qyzylorda, Úrimshi, Petropavl jáne Beıjińnen keletin reısterdiń de qonatyn ýaqyty ózgergen.
Áýejaıdyń baspasóz qyzmeti reısterdiń jappaı keshigýi, onyń ishinde aýa raıyna baılanysty kidirister tirkelmegenin málimdedi. Áýejaı qalypty rejımde jumys istep jatyr.
Aıta keteıik, búgin, 2026 jylǵy 16 qańtarda Almatyda aýa raıyna baılanysty keptelis 10 balǵa jetti.
Eske salaıyq, Almatynyń kommýnaldyq qyzmeti aýa raıyna baılanysty kúsheıtilgen rejımge kóshti.
«Qazgıdromet» RMK málimetinshe, 15 qańtardan 16 qańtarǵa qaraǵan túni bastalǵan qar 17 qańtar keshke deıin jalǵasady.
Almaty ákimdigi táýlik boıyndaǵy jumysqa 1 030 arnaıy tehnıka, sondaı-aq jeke uıymdardan 200 tehnıka men 2 710 jumysshy jumyldyrylǵanyn habarlady. Aýla aýmaqtaryn tazalaý jumystaryna 1 790 jumysshy men 256 arnaıy tehnıka tartylǵan. Al aýdan ákimdikterinde atqarylyp jatqan jumystardyń oryndalýyn baqylaý maqsatynda táýlik boıǵy kezekshilik engizildi.