Almatyda attraktsıon toqtap, demalýshylar odan túse almaı qalǵan

ALMATY. KAZINFORM — Fantasy World Park-te atraktsıondardyń biri toqtap qaldy.

Oqıǵanyń beınejazbasy áleýmettik jelide tarady. Ondaǵy málimetke sáıkes, adamdar biraz ýaqyt áýede qalqyp turǵan.

Fantasy World Park baılanys qyzmeti Top Skan attraktsıony keshe saǵat 15:08–de toqtap qalǵanyn málimdedi.

— Atraktsıon qaýipsizdik datchıginiń iske qosylýyna baılanysty toqtady. Saǵat 15:16–da adamdar evakýtsııalandy. Zardap shekkender joq. Demalýshylar tarapynan shaǵym túspedi. Jaǵdaı tolyǵymen saıabaq ınjenerleriniń baqylaýynda boldy, — delingen parktiń resmı jaýabynda.

Eske salaıyq, byltyr Almatyda saıabaqtaǵy attraktsıonnan qulaǵan qyz mert bolǵanyn jazǵanbyz.