Almatyda ATP serııasyndaǵy iri tennıs týrnıri ótedi

ASTANA. KAZINIFORM – 2025 jyldyń 11–19 qazany aralyǵynda Almatyda tennısten ATP 250 sanatyndaǵy Almaty Open týrnıri ótedi.

QR UOK málimetinshe, ATP 250 týrnıri - bul álemniń 30 elinde ótetin kásibı erler tennısshileri arasyndaǵy jarystar sanatyna jatatyn bedeldi doda. Bul sanatqa kiretin 40 týrnırdiń árqaısysynda jeńiske jetken sportshy ATP reıtınginde 250 upaıǵa ıe bolady.

Almaty Open týrnıriniń júlde qory 1 mıllıon AQSh dollarynan asady.

Týrnırdiń tarıhy 2020 jyly Astanada bastaldy. Sol jyly jarys ATP 250 sanatynda alǵash ret ótkizildi. Al 2022 jyly bir rettik negizde onyń deńgeıi ATP 500-ge deıin kóterilip, jarysqa álemniń úzdik tennısshileri qatysty. Olardyń qatarynda Novak Djokovıch, Stefanos Tsıtsıpas, Danııl Medvedev, Karlos Alkaras, Hýbert Hýrkach jáne Andreı Rýblev boldy.

Ótken jylǵy chempıon Karen Hachanov bıyl óz ataǵyn qorǵaýǵa nıetti.

Qazir týrnırge bıletter satylymǵa shyqty.

Aıta keteıik, Aleksandr Shevchenko Bratıslava jarysynyń ekinshi aınalymyna ótti.