Almatyda ATP 250 týrnıriniń jeńimpazdary anyqtaldy
ASTANA. KAZINFORM — Almatyda erler arasynda ATP 250 týrnıri máresine jetti.
Sońǵy básekede álemniń besinshi, osy jarystyń 1-raketkasy, reseılik Danııl Medvedev pen reıtıngide 128-oryndaǵy grýzııalyq Nıkoloz Basılashvılımen chempıondyq ataqty sarapqa saldy.
Tartysty ótken birinshi partııada taı-breıkte grýzııalyq sportshynyń mereıi ústem boldy — 7:6 (8:6).
Ekinshisinde Medvedev artyǵymen ese qaıyrdy — 6:1.
Úshinshi, sheshýshi sette reseılik tennısshi 3:1 esebimen alǵa ketti. Aqyry matchty taǵy bir breıkpen túıindedi — 6:3.
Osylaısha, Danııl Medvedev Almatyda myqtylyǵyn dáleldep, ekinshi jyl qatarynan chempıon atandy.
Qazaqstannyń birinshi, álemniń 19-raketkasy Aleksandr Býblık jartylaı fınalda dál osy Medvedevke jol berdi.
Juptyq synda úndistandyq ıÝkı Bhambrı men amerıkalyq Raıan Seggermannyń baǵy jandy.
Fınalda úndistandyq-amerıkalyq jup dodanyń 1-raketalary, aýstrııalyqtar Lýkas Mıdler — Nıl Oberlaıtnerden aılasyn asyrdy — 7:6 (7:3), 6:7 (1:7), 10:2.
Eske sala keteıik, budan buryn ıÝlııa Pýtıntsevanyń Tokıoda negizgi týrnırge joldama alǵanyn jazǵan edik.
Sondaı-aq Elena Rybakına Qytaıdaǵy týrnırdiń eki dúrkin chempıony atandy.
