Almatyda atys daýystary estildi: polıtsııa tergeý júrgizip jatyr

ALMATY. KAZINFORM - Almatyda kólik ishinen atys daýysy estildi. Oqıǵanyń beınejazbasy áleýmettik jelide tarady. 

Beınejazbada oqıǵanyń 22 qyrkúıekte Bókeıhanov kóshesiniń boıynda bolǵany aıtylǵan. Almaty qalasy Polıtsııa departamenti atysqa qatysa bar kúdiktiler ustalǵanyn habarlady.

- Atalǵan derek boıynsha Jetisý aýdandyq polıtsııa basqarmasy tergeý amaldaryn júrgizip jatyr. Oqıǵaǵa qatysýshylar ustaldy. Jaǵdaıdyń mán-jaıy anyqtalyp jatyr, - dep habarlady qalalyq PD baspasóz qyzmeti.

Eske salaıyq, buǵan deıin Almaty oblysynda taýyp alǵan qarýlardy zańsyz saqtaǵan azamat jazalanǵanyn jazǵan edik. https://kaz.inform.kz/news/almati-oblisinda-tauip-algan-karulardi-zansiz-saktagan-azamat-zhazalandi-58ccf9/

Ótken aptada Almatyda avtobýsqa qarýmen kirgen er adam ustaldy.