Almatyda «Atakent» aýmaǵyndaǵy jer telimi memleket qajetine alynady
ALMATY. KAZINFORM – Bostandyq aýdanynda ornalasqan «Atakent» iskerlik ortalyǵynyń aýmaǵyndaǵy jer telimi kórme zalynyń qurylysy úshin alynady.
Qala ákimdigi jer telimin jáne ózge de jyljymaıtyn múlikti ıelikten shyǵarý rásimin bastaý týraly qaýly shyǵardy.
— Memleket muqtajy úshin kórme zalyn salý maqsatynda «Atakent Asia Development» JShS-dan kólemi 1,4617 gektar bolatyn jer telimi men ózge de jyljymaıtyn múlikti májbúrlep ıelikten shyǵarý rásimi bastalsyn, — delingen qujatta.
Jer telimi Bostandyq aýdanynda Tımırıazev kóshesi, 42/23 mekenjaıynda ornalasqan. Jer telimin alý jumystaryn 2027 jyldyń 31 jeltoqsanyna deıin aıaqtaý josparlanyp otyr. Memleket menshigine ótkennen keıin jer telimi Almaty qalasynyń Mádenıet basqarmasyna beriledi.
Buǵan deıin Almatyda «Atakent» aýmaǵy jańartylatynyn jazǵanbyz. Atap aıtqanda, asfalt jabyndysy men tas tósenishterdi aýystyrý, avtomatty sýarý júıesin ornatý, jaryqtandyrý men kóshe jıhazdaryn jańartý jumystary júrgiziledi.
Eske salaıyq, buryn Almatyda turǵyndardyń jeri mektep salý úshin memleket menshigine alynatynyn jazǵan edik.