Almatyda «Astana» alańy jabylýyna baılanysty 10 avtobýs baǵyty ózgerdi

ALMATY. KAZINFORM - Almatyda Qala kúnine oraı ótetin aýqymdy merekelik is-sharalarǵa baılanysty 12-16 qyrkúıek aralyǵynda Tóle bı kóshesi Panfılov kóshesinen Abylaı han dańǵylyna deıin jabylady. Qalalyq mobıldilik basqarmasy osy ýaqyt aralyǵynda 10 qoǵamdyq kólik baǵytynyń qozǵalys syzbasyna ózgeris engizilgenin habarlady.

«Jol syzbasy ózgergen avtobýs baǵyttar: №16, 37, 48, 126, 201, 205, 206, 209, 210 jáne 224. «Astana» alańyn shyǵys baǵytta Qabanbaı batyr kóshesi arqyly, batys baǵytta Bógenbaı batyr kóshesi arqyly aınalyp ótedi. Sonymen qatar, №16 jáne 126 baǵyttary atalǵan aýmaqty Gogol kóshesimen aınalyp ótedi», - dep habarlady basqarmadan.

Eske salaıyq, buǵan deıin «Astana» alańynda qandaı merekelik is-sharalar ótetin jazǵanbyz. 

Astanada túngi avtobýstar toqtaıdy.

Oqý jyly bastalyp, jolaýshylar sanynyń artýyna baılanysty, sondaı-aq, qalalyq baǵdarlarda túngi avtobýstardy paıdalaný tıimdirek bolatynyn eskere kele túngi maýsymdyq baǵdarlar qozǵalysyn 14 qyrkúıek senbiden 15 qyrkúıek jeksenbige qaraǵan túni toqtatý jóninde sheshim qabyldandy.