Almatyda «Astana» alańy jabylady
ALMATY. KAZINFORM – Almatyda 1 naýryzda Dúnıejúzilik Azamattyq qorǵanys kúnin merekeleýge arnalǵan is-sharanyń ótkizilýine baılanysty «Astana» alańy jabylady.
Almaty qalalyq Tótenshe jaǵdaılar departamentinen atap ótkendeı,1 naýryz kúni da saǵat 10:00-den 13:00-ge deıin «Astana» alańynda órt sóndirý, qutqarý jáne basqa da arnaıy qural-jabdyqtardyń kórmesi ótedi. Oǵan 50 tehnıka men 150 adam qatysady dep kútilýde.
Almatylyqtar qalanyń avarııalyq-qutqarý kúshteriniń múmkindikterimen tanysýǵa múmkindik alady.
– «Zardap shekken» adamdar úshin dalalyq gospıtal qurylyp, medıtsına qyzmetkerleri manekenderde ashyq túrde dene jaraqattary boıynsha master-klass ótkizedi.Sondaı-aq, qutqarý jáne medıtsınalyq tehnıka men jabdyqtar kórmesi ornalastyrylady, – dep atap ótti departamentten.
1990 jyly BUU Bas Assambleıasy Halyqaralyq azamattyq qorǵanys uıymynyń (HAQU) 9-sessııasynda Búkilálemdik azamattyq qorǵanys kúnin jyl saıyn 1 naýryzda atap ótý týraly sheshim shyǵaryldy.
Halyqaralyq azamattyq qorǵanys uıymy 1972 jyly dál osy kúni úkimetaralyq uıym mártebesine ıe bolǵan.
Dúnıejúzilik azamattyq qorǵanys kúni azamattyq qorǵaý men qorǵanys ulttyq qyzmetteri atqaratyn mańyzdy maqsattaryna qoǵam nazaryn aýdarý úshin atalyp ótedi.