Almatyda áskerı qyzmetkerlerge qatysty tergeý júrip jatyr
ALMATY. KAZINFORM — Almatyda joǵary laýazymdy áskerı qyzmetkerler qyzmettik ókilettikterin asyra paıdalandy degen kúdikke ilindi.
Áleýmettik jelide qorǵanys salasynda jumys isteıtin birqatar joǵary laýazymdy tulǵanyń ustalǵany týraly aqparat tarady.
Bul derekke QR Іshki ister mınıstrligi túsinikteme berdi.
— ІІM Áskerı-tergeý departamenti QR Qylmystyq kodeksiniń 451-baby (bılikti nemese laýazymdyq ókilettikterdi asyra paıdalaný) boıynsha Almaty qalasy Qorǵanys isteri jónindegi departamentiniń laýazymdy tulǵalaryna qatysty qylmystyq isti tergep jatyr. Qylmystyq-protsestik kodekstiń 201-babyna sáıkes, tergeý múddesi úshin ózge málimetter jarııa etilmeıdi, — dep málimdedi vedomstvo.
Eske salaıyq, burynǵy Qorǵanys mınıstri Rýslan Jaqsylyqovtyń qamaýǵa alynǵany jóninde jalǵan málimet taraǵan edi.
Keıin Rýslan Jaqsylyqovty qamaýǵa aldy dep habarlaǵandardyń ústinen qylmystyq is qozǵaldy.