Almatyda asbólmesinde taraqan órip júrgen balabaqsha tekserilip jatyr

ALMATY. KAZINFORM — Áleýmettik jelide Almaty bilim basqarmasyna qarasty «№ 29 bóbekjaı-balabaqshada» taraqandar júrgeni týraly vıdeo tarady. 

Beınejazba avtory balabaqsha ashanasynda taraqandardyń órip júrgenin túsirip alǵan.

Qalalyq bilim basqarmasynyń málimetinshe, vıdeony shamamen 2025 jylǵy qyrkúıek aıynda «Batyr KZ» kúzet uıymynyń qyzmetkeri túsirgen.

Vedomstvonyń habarlaýynsha, balabaqsha men «Óndiristik kooperatıv» JShS arasynda jasalǵan kelisimshart aıasynda ǵımaratta dezınfektsııa jáne deratızatsııa jumystary toqsan saıyn júrgizilip otyrady. Sondaı-aq balabaqsha mańynda ornalasqan qoqys jáshikteri jándikterdiń paıda bolýyna jáne taralýyna sebep bolýy múmkin.

— Qazir Áýezov aýdanynyń sanıtarııalyq-epıdemıologııalyq qyzmeti bul derek boıynsha tekseris júrgizip jatyr. Al Almaty bilim basqarmasy № 29 balabaqshanyń qyzmetine jan-jaqty monıtorıng júrgizedi, — delingen habarlamada.

Eske salaıyq, buǵan deıin Kókshetaý turǵyny áleýmettik jelide oblys ortalyǵyndaǵy saýda ortalyqtarynyń biriniń ashanasynda taraqandar baryn aıtyp shaǵymdanǵan edi.