Almatyda asa iri mólsherde psıhotroptyq zat saqtaǵan adam 4 jylǵa sottaldy
ASTANA. KAZINFORM — Almatyda úıinen asa iri mólsherde psıhotroptyq zat tabylǵan azamat 4 jylǵa bas bostandyǵynan aıyryldy. Bul týraly Almaty qalasynyń Medeý aýdandyq №2 soty habarlady.
Sot málimetinshe, er adam psıhotroptyq zatty ótkizý maqsatynda emes, zańsyz satyp alyp, saqtaǵany úshin qylmystyq jaýapqa tartylǵan. Іs Qazaqstan Respýblıkasy Qylmystyq kodeksiniń 296-babynyń 4-bóligi boıynsha qaralǵan.
Tergeý barysynda sottalýshynyń úıinde tintý júrgizilgen. Nátıjesinde metkatınonnyń analogy sanalatyn 3-CMC psıhotroptyq zaty tabylǵan. Onyń jalpy salmaǵy 2,44 gramm bolǵan. Sot bul mól sherdiń asa iri mólsherge jatatynyn anyqtady.
Sonymen qatar medıtsınalyq saraptama kezinde V.-nyń kannabı noıdtardy qoldanǵany anyqtalǵan.
Sot materıaldaryna sáıkes, ol buǵan deıin de kannabınoıdtardy medıtsınalyq emes maqsatta qoldanǵany úshin ákimshilik jaýapkershilikke tart ylǵan. Sol kezde oǵan 10 táýlik ákimshilik qamaq taǵaıyndalǵan.
Sottalýshynyń kinási tintý hattamasy, kýálardyń jaýaptary, saraptama qorytyndylary, zattaı dálelder jáne is boıynsha jınalǵan basqa da materıaldar arqyly dáleldengen.
Q ylmystyq kodekstiń atalǵan baby boıynsha mundaı áreket úshin 3 jyldan 7 jylǵa deıin bas bostandyǵynan aıyrý jazasy qarastyrylǵan.
Sot V.-ny kináli dep tanyp, 6 jylǵa bas bostandyǵynan aıyrýǵa úkim shyǵardy.
Alaıda Qazaqstan Respýblıkasynyń jańa Konstıtýtsııasynyń qabyldanýyna baılanysty qabyldanǵan «Raqymshylyq jasaý týraly» zań negizinde onyń jazasy úshten birge qysqartyldy. Nátıjesinde sottalýshy 4 jylǵa bas bostandyǵynan aıyryldy.
Sot úkimi ázirge zańdy kúshine engen joq.
Buǵan deıin Shý qalasynda aýlasyna esirtki jasyrǵan turǵyn ustalǵanyn jazdyq.
