Almatyda ártúrli maqsatta 40-tan astam jer ýchaskesi satyp alynady
ALMATY. KAZINFORM – Almatyda memleket muqtajyna alynatyn jer telimderiniń jańa tizimi jarııalandy.
Almaty qalasy ákimdiginiń 2026 jylǵy 29 shildedegi № 3/405-1189 qaýlysyna sáıkes, aýysyp-miný kólik torabyn salý úshin Medeý aýdanynda ornalasqan 32 jer ýchaskesi memleket muqtajyna satyp alynady. Májbúrlep ıelikten shyǵarý merzimi 2027 jyldyń 31 jeltoqsanyna deıin belgilengen. Jer telimderi satyp alǵan soń, Almaty qalasy Jol qozǵalysy jáne jolaýshylar kóligin uıymdastyrý basqarmasynyń teńgerimine beriledi.
Almaty qalasy ákimdiginiń 2026 jylǵy 29 shildedegi № 3/405-1190 qaýlysy boıynsha №20 mekteptiń aýmaǵyn keńeıtý úshin Túrksib aýdany Narynqol, Potanın, ıAroslavskıı, Gertsen kósheleriniń qıylysynda ornalasqan 9 jer ýchaskesi 2028 jyldyń 31 jeltoqsanyna deıin májbúrlep ıelikten shyǵarylady.
Al Almaty qalasy ákimdiginiń 2026 jylǵy 29 shildedegi №3/405-1191 qaýlysyna sáıkes, aspaly arqan joldyń bazalyq stantsııasynyń qurylysy úshin Medeý aýdany, «Muztaý» shaǵyn aýdanynda ornalasqan 3 jer ýchaskesi satyp alynady. Keıin atalǵan ýchaskeler Almaty qalasy Týrızm basqarmasy teńgerimine ótedi.
Odan bólek Indýstrıalyq aımaqtyń aýmaǵyn keńeıtý úshin Alataý aýdany, «Alǵabas» shaǵyn aýdanyndaǵy «Gold Aquarium» JShS ýchaskesiniń 0,2772 ga aýmaǵy memleket muqtajyna alynady. Ol Almaty qalasy Kásipkerlik jáne ınvestıtsııa basqarmasynyń teńgerimine beriledi. Bul Almaty qalasy ákimdiginiń 2026 jylǵy 29 shildedegi №3/405-1192 qaýlysynda kórsetilgen.
Almaty qalasy ákimdiginiń 2026 jylǵy 29 shildedegi №3/405-1193 qaýlysy boıynsha saıabaq qurylysy úshin Túrksib aýdany, «Qaırat» shaǵyn aýdanynda ornalasqan 3 ýchaske májbúrlep ıelikten shyǵarylady.
Barlyq jer telimi boıynsha Almaty qalasy Jer qatynastary basqarmasy zańnamamen belgilengen ótemaqy tóleýdi qamtamasyz etedi.
Eske salaıyq, buǵan deıin Almatyda Tilendıev kóshesin uzartýǵa satyp alynatyn jer telimderiniń tizimi ulǵaıdy.
