Almatyda aryq jelilerinen 640 tonna qoqys shyǵaryldy
ALMATY. KAZINFORM - «Qazgıdromet» RMK boljamy boıynsha, 20-22 naýryz aralyǵynda Almatyda kún buzylyp, nóser jaýyn jaýady dep kútilýde. Osyǵan baılanysty qalanyń kommýnaldyq qyzmetteri daıyndalyp jatyr.
Qazir 536 jumysshy men 89 arnaıy tehnıkanyń kúshimen aryq jelilerindegi qoqystardy tazalaý jumystary júrgizilip jatyr. Ońtústikten soltústikke qaraı ornalasqan negizgi merıdıandyq aryqtardy tazartý aıaqtaldy. Kóldeneń aryq jelilerin jınaý jumystary jalǵasýda. 18 naýryzdaǵy jaǵdaı boıynsha 640 tonna qoqys, sazdy balshyq, laı jáne muz shyǵaryldy.
Jaýyn-shashyn kezinde sý basýdyń aldyn alý úshin motopompalarmen jáne shants quraldarymen jabdyqtalǵan 52 jedel mobıldi brıgadanyń kezekshiligi uıymdastyrylady.
2300 qap qum daıyndaldy. Aýdandyq ákimdikterde jumys óndirisin baqylaý boıynsha táýlik boıy kezekshilik uıymdastyrylatyn bolady.
«Kúnniń buzylýyna baılanysty turǵyndarǵa taýǵa barýdan bas tartýǵa, júrgizýshilerge aǵashtardyń qulaý qaýpi men elektr jelileriniń úzilýine baılanysty kólikterdi jol jıegine qoımaýǵa shaqyramyz. Sý tasqynyn boldyrmaý úshin qala turǵyndarynan aryqtar men kanaldarǵa qoqys tastamaýdy suraımyz», - delingen habarlamada.
