Almatyda aryq boıymen aqqan belgisiz kók tústi suıyqtyq jurtty shoshytty
ALMATY. KAZINFORM – Áleýmettik jelide Almatydaǵy Rozybakıev kóshesindegi aryqtyń boıymen aqqan belgisiz kók tústi suıyqtyqtyń vıdeosy tarady.
Almaty qalalyq ekologııa jáne qorshaǵan orta departamentiniń ókilderi oqıǵa ornyna kóp uzamaı barǵan. Alaıda, ol kezde aryqta eshqandaı kók sý bolmaǵan.
«Jergilikti turǵyndardyń aıtýynsha, belgisiz suıyqtyq aryq jelisimen saǵat 10:00 shamasynda Rozybakıe kóshesiniń Tóle bı men Raıymbek batyr dańǵyly arasynda aqqan. Qazir eshqandaı sý aǵyp jatqan joq. Aldaǵy ýaqyta qalalyq ekologııa jáne qorshaǵan orta departamentiniń mamandary Jergilikti polıtsııa basqarmasynyń qyzmetkerlerimen birlesip máseleniń mán-jaıyn anyqtaıtyn bolady», - dep habarlady Ekologııa jáne qorshaǵan orta departamentiniń baspasóz qyzmeti.
Eske salsaq, Almatyda endi tóselgen asfalt jabynyn jańbyr sýy shaıyp ketken bolatyn.
