Almatyda arbada otyrǵan qart kisige qol kótergen kúdikti izdestirilip jatyr

ALMATY. KAZINFORM – Almatyda er adam múmkindigi shekteýli qart kisige qol kótergen.

Oqıǵanyń beınejazbasy áleýmettik jelide tarady. 

Almaty qalasynyń polıtsııa departamenti zańsyz áreketterdi kórsetetin beınege baılanysty tergeý jumystaryn bastaǵanyn habarlady.

— Oqıǵaǵa qatysýshylar anyqtalyp jatyr. Dene jaraqatyn keltirgen er adamnyń áreketine túbegeıli quqyqtyq baǵa beriledi. Janjaldyń sebepterine qaramastan, qart adamǵa, ásirese múgedekter arbasyna tańylǵan adamǵa zııan keltirýge jol berilmeıdi jáne zańda kózdelgen jaýapkershilikke ákep soǵady, — dep habarlady departamentten.

Eske salaıyq, buǵan deıin Almatyda avtobýs ishinde egde jastaǵy azamatty urǵan adam ustalǵanyn jazǵanbyz.