Almatyda apatty kópirdiń ornyna jańasy salyndy
ALMATY. KAZINFORM – Almatynyń Jetisý aýdanyndaǵy jańa kópir 22 qarashada ashylady.
Almaty ákimi Erbolat Dosaev «Kemel» shaǵyn aýdanynda Esentaı ózeni boıyna salynyp jatqan kópirdi aralap kórdi. Buǵan deıin megapolıs basshysynyń tapsyrmasy boıynsha kópirdiń apatty jaǵdaıyna qatysty qozǵalys jabylǵan bolatyn.
Ótken ǵasyrdyń 1960-shy jyldary salynǵan kópir qurylymy eshqashan jóndelmegen jáne jaramsyz bolyp qalǵan. Maýsym aıynda júrgizilgen tehnıkalyq zertteý nátıjıesi onyń apatty ekenin anyqtady.Osyǵan baılanysty Tótenshe jaǵdaı aıasynda jańa kópir salý týraly sheshim qabyldandy.
Bastapqyda kólik qozǵalysyn qazan aıynyń sońynda ashý josparlanǵan bolatyn. Alaıda, topyraq qurylymyna baılanysty josparlanǵan 9 metrdiń ornyna 29 metrlik burǵylaý qadalaryn ornatý qajet boldy.
Sonymen qatar, arnaıy tehnıkanyń negizin daıyndaý kezinde ózen arnasynda kópirdiń jaıaý júrginshiler bóligi qulady.Osylaısha, jumystyń merzimi aýystyryldy.
Qalalyq mobıldilik basqarmasynyń basshysy Saǵyndyq Telibaev aıtyp ótkendeı, qazir qadalardy ornatý jáne synaý, tirekterdi, tireý qabyrǵalaryn ornatý, arqalyqtardy montajdaý jáne ınjenerlik jelilerdi qaıta qurý jumystary júrgizildi. Sondaı-aq synaqtan ótti.
Qaıta jańartý boıynsha kópirdiń uzyndyǵy 16,8 – den 33 metrge deıin, eni 8,5-ten 14,5 metrge deıin ulǵaıtylady. Sonymen qatar, eki jaǵynan 1,5 metr trotýar salý josparda.
«Kópir birneshe shaǵyn aýdandar men jaqyn mańdaǵy eldi mekenderdiń turǵyndary úshin kólik baılanysyn qamtamasyz etedi. Bul mańyzdy ınfraqurylymdyq nysan, sondyqtan qurylys múmkindiginshe qysqa merzimde júrgizildi. Geologııa topyraqtyń turaqsyzdyǵyn anyqtady, sondyqtan qadalardy shamamen 30 metr tereńdikke ornatý týraly sheshim qabyldandy, kópir uzyndyǵy boıynsha eki esege jýyq ulǵaıtyldy. Jumystyń negizgi kólemi oryndaldy, qozǵalysty kelesi aptanyń sońyna deıin ashyp, sodan keıin jaıaý júrginshiler bóligi men irgeles aýmaq boıynsha jumystardy aıaqtaý qajet», - dep atap ótti Erbolat Dosaev.
Esterińizge sala keteıik, jańa kópir salý boıynsha jóndeý jumystary aıaqtalǵanǵa deıin atalǵan ýchaskeni aınalyp ótý Muhamedjan Seralın kóshesi arqyly qamtamasyz etildi.
