Almatyda shirigen aǵashtardy kesý nelikten uzaqqa sozylady

ALMATY. KAZINFORM — Almaty ákimi Erbolat Dosaev turǵyndarmen kezdesýde shirigen aǵashtardy kesý jumysy nelikten uzaqqa sozylatynyn túsindirdi.

Onyń aıtýynsha, qazirgi ýaqytta ár aǵashty kesý úshin oǵan tolyqtaı zertteý júrgiziledi. Sondyqtan qýraǵan aǵashtardy kesý jumysynyń ýaqyty uzarǵan.

— Aǵashtardy kesý jumysy árdaıym daý týdyrady. Bireý ony qoldaıdy, basqa adam qarsy bolady. Qazir biz ár aǵashqa egjeı-tegjeıli zertteý júrgizemiz. Óıtkeni «saý aǵashtar kesildi» dep bizdi kinálaıtyndar kóp boldy. Biz erejelerde bul suraqtardyń bárin bekittik. Endi jer kishkene kepse, ótken jyly túsken ótinishter boıynsha jumystardy bastaımyz, — dedi ákim.

Eske salaıyq, bıyl Almatyǵa 320 myń aǵash otyrǵyzylatynyn jazǵanbyz.