Almatyda anasy taksıde umytyp ketken kishkentaı qyz tabyldy

Tórt jasar Marmar Qalmaqbaıdyń anasy qyzyn Jambyl aýdanynan Almatyǵa kele jatqan taksıde uıyqtatyp, umytyp ketken, dep habarlaıdy Kazinform.

Lider kz volonterleri málim etkendeı, 2 qańtar keshki saǵat 20:00 shamasynda 39 jastaǵy Baqytgúl Qalmaqbaı kishkentaı qyzymen birge Jambyl aýdany Úmbetáli aýylynan Almaty qalasyna jetý úshin Almaty-Bishkek tasjolynda kólik toqtatqan.

Saǵat 20:49 shamasynda áıel uıyqtap jatqan balany belgisiz aq kólikte qaldyryp, ózi Raıymbek dańǵylynda B. Momyshuly kóshesine jetpeı túsip qalǵan. 

Búgin tańerteń Marmardy polıtsııaǵa kólik júrgizýshisi ákeldi.

«Kishkentaı qyz aman-esen tabyldy. Polıtsııa Marmardy ata-anasyna tapsyrdy»,-dep habarlady vedomstvodan.