Almatyda Ámire Qashaýbaev atyndaǵy respýblıkalyq baıqaý bastaldy
ASTANA. KAZINFORM — Almatyda Ámire Qashaýbaev atyndaǵy respýblıkalyq dástúrli án oryndaýshylar baıqaýynyń ashylý rásimi men birinshi kezeńi ótti. Bul týraly Mádenıet jáne aqparat mınıstrliginiń baspasóz qyzmeti habarlady.
Baıqaý 27 qazanǵa deıin jalǵasady. Bul kúni sharanyń jabylý saltanaty ótip, jeńimpazdar marapattalady.
— Respýblıkalyq baıqaý Ámire Qashaýbaevtyń shyǵarmashylyq murasyn dáripteýge, dástúrli án ónerin damytýǵa jáne jas oryndaýshylardy qoldaýǵa baǵyttalǵan. Sondaı-aq Birjan sal, Aqan seri, Estaı, Muhıt sekildi halyq kompozıtorlarynyń asyl murasyn qaıta jańǵyrtý kózdelgen, — delingen aqparatta.
Baıqaýǵa 41 ótinim tústi. Іrikteý qorytyndysy boıynsha respýblıkalyq kezeńge 20-35 jas aralyǵyndaǵy 22 ánshi joldama aldy. Іs-sharanyń ashylýy qarsańynda qatysýshylardyń sahnaǵa shyǵý kezegi jerebe arqyly anyqtaldy.
Baıqaý eki kezeńnen turady. Birinshi kezeńde qatysýshylar oryndaýshylyq sheberligin, ózindik án aıtý mánerin jáne dástúrli án mektepteriniń erekshelikterin qanshalyqty meńgergenin kórsetedi.
Qatysýshylardyń ónerin ánshiler men beıindi oqý oryndarynyń oqytýshylarynan quralǵan qazylar alqasy baǵalaıdy. Olardyń qatarynda Jaqsykeldi Kemalov, Qaırat Kákimov, Nurjan Janpeıisov, Sholpan Darjan jáne Gúlmıra Sarına bar.
Aıta keteıik, Astanada NUMORI men Saz& Soul ónerpazdary qazaq jáne koreı ánderin oryndady.
