Almatyda Amantaı qajyǵa is qozǵaldy

ALMATY. KAZINFORM – Almaty polıtsııasy Amantaı qajy Asylbekke qatysty tergeý jumystaryn júrgizip jatyr.

Áleýmettik jelide elge tanymal azamattyń áıel adamdy baspaldaqtan ıterip jibergeni kórsetilgen beınejazba tarady.

Qalalyq polıtsııa departamenti atalǵan derek boıynsha Almaly aýdandyq polıtsııa basqarmasy qylmystyq is qozǵaǵanyn habarlady.

- Qazirgi ýaqytta oqıǵanyń mán-jaıyn anyqtaýǵa baǵyttalǵan jedel-izdestirý jáne protsessýaldyq is-sharalar kesheni júrgizilip jatyr. Qajetti sot-medıtsınalyq saraptamalar taǵaıyndaldy. Tergeý barysy Almaty polıtsııasy basshylyǵynyń baqylaýynda, - dep málimdedi departamentten.

Eske salaıyq, buǵan deıin Almatyda týysyn kóshede pyshaqtap óltirgen er adam ustalǵanyn jazǵanbyz.