Almatyda «Altyn Orda» kópirindegi jol jabyny búlindi
ALMATY. KAZINFORM — Almatydaǵy «Altyn Orda» kópirinde jol jabyny zaqymdalyp, qalpyna keltirý jumystary júrgizilip jatyr.
Almaty men Almaty oblysyn jalǵaıtyn kópirdegi jol jabynynyń zaqymdanǵany týraly aqparat buǵan deıin áleýmettik jelide taraǵan.
Áleýmettik jeli qoldanýshylary joldyń keı bóliginde metall elementteri men búlingen asfalttyń synyqtary paıda bolǵanyn aıtyp, bul kólik júrgizýshilerine qaýip tóndirýi múmkin ekenin habarlady.
«Qazavtojol» ulttyq kompanııasy Almaty oblystyq fılıalynyń málimetinshe, jaǵdaı 17 qyrkúıek keshke bolǵan.
— «Almaty — Bishkek» respýblıkalyq mańyzy bar avtomobıl jolynyń 18-shaqyrymynda, «Altyn Orda» kópirinde 2026 jylǵy 17 qyrkúıek keshke deformatsııalyq jikti ýaqytsha jabý úshin buǵan deıin tóselgen sýyq asfalttyń bosap ketýi saldarynan qalpyna keltirý jumystaryn júrgizý qajet boldy, — dep habarlady ulttyq kompanııa.
Qazir zaqymdanǵan ýchaskede qaýipsiz ári úzdiksiz qozǵalysty qamtamasyz etý úshin asfalt-beton jabynyn tóseý arqyly qalpyna keltirý jumystary júrgizilip jatyr.
Fılıal mamandary deformatsııalyq jiktiń zaqymdanǵan bóligin aýystyrǵanyn naqtylady. Qalpyna keltirý jumystary júrgizilgen kezde ýchaske qyzmet kórsetýshi uıymnyń baqylaýynda boldy.
Eske salaıyq, Almaty oblysynda sý qubyry jarylyp, jol opyrylyp ketken edi.
