Almatyda «Altyn Orda» bazary mańynda salynǵan estakada paıdalanýǵa berildi
Almatyda «Asyl Arman» turǵyn úı kesheni mańyndaǵy estakada men jerústi jaıaý júrginshiler ótkeli paıdalanýǵa berildi, dep habarlaıdy Kazinform.
«QazAvtoJol» AQ ulttyq kompanııanyń málimetinshe, «Almaty-Bishkek» avtojolyndaǵy «qubyr» úlgisindegi jolaıryq pen Raıymbek aýylyna burylystaǵy qosymsha jaıaý júrginshiler kópiriniń qurylysy tolyq aıaqtaldy. Nysan paıdalanýǵa berildi.
«Jerústi jaıaý júrginshiler ótkeli pandýs jáne arnaıy platformamen qamtyldy. Túngi ýaqytta paıdalanýshylardyń qaýipsizdigin qamtamasyz etý úshin nysanda zamanaýı jaryqdıodty shamdar ornatyldy», - dep habarlady ulttyq kompanııanyń baspasóz qyzmeti.
Eske salsaq, «QazAvtoJol» ulttyq kompanııasynan «Asyl Arman» turǵyn úı kesheni mańynda toqtap qalǵan estakada qurylysy qaıta bastalatynyn habarlaǵan.
Ótken jyly qazan aıynda «Asyl Arman» turǵyn úı kesheni mańynda estakada men jerústi jaıaý júrginshiler ótkeliniń qurylysy 50%-y oryndalǵan edi.