«Almaty arena» janyndaǵy kóshe jabylyp, ýaqytsha avtoturaq oryndary ashylady
ALMATY. KAZINFORM — Alataý aýdanynda Naýryz merekesiniń toılanýyna oraı kólik qozǵalysy ýaqytsha shekteledi.

19 naýryzda saǵat 00:00–den 24 naýryz kúni 00:00–ge deıin Momyshuly kóshesinen Dospanova kóshesine deıingi ýchaskedegi Ýnıversıadnaıa kóshesi boıynsha qozǵalys ýaqytsha shekteledi. Bul sheshim is-sharalarǵa qatysýshylardyń qaýipsizdigin qamtamasyz etýge, sondaı-aq qala turǵyndary men qonaqtary úshin qolaıly jaǵdaı jasaýǵa baǵyttalǵan.

22 naýryz kúni saǵat 19:00–de «Almaty Arenada» ótetin «Tynda Music» kontsertine qatysýshylarǵa yńǵaıly bolý úshin qosymsha turaq aımaqtary uıymdastyrylady:
* Momyshuly kóshesindegi jańa meshit aýmaǵynda;
* «Almaty Arena» sport kesheniniń aýmaǵynda;
* «Alataý» dástúrli óner teatrynyń aýmaǵynda.
— Qala ákimshiligi Almaty turǵyndary men qonaqtaryn marshrýttardy aldyn ala josparlaýǵa, jol qozǵalysyndaǵy ýaqytsha ózgeristerdi eskerýge jáne usynylǵan turaq aımaqtaryn paıdalanýǵa shaqyrady, — dep habarlady ákimdikten.
Eske salaıyq, buǵan deıin Almatyda Naýryz qalaı toılanatynyn jazǵanbyz.
Sondaı-aq birneshe kúnge Tóle bı dańǵylynyń bir bóligi jabylatynyn jazǵan edik.