Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi

ALMATY. KAZINFORM — Almatyda ornalasqan Álııa men Mánshúk alańyn qalpyna keltirý jumystary 80 paıyzǵa aıaqtaldy. Jóndeý jumystary 2022 jyly bastalǵan bolatyn.

Алматыда Әлия мен Мәншүк атындағы саябақта Қызыл кітапқа енген емен ағашы кесілді
Фото: Александр Павский/Kazinform

Almaty qalalyq qoǵamdyq keńistikterdi damytý basqarmasy basshysynyń orynbasary Baqytjan Rahymbekovtyń aıtýynsha, qazir saıabaqta aǵashtardy sanıtarlyq kesý jáne «Aqqý» sýburqaq keshenine tehnıkalyq bólme ornatý jumystary aıaqtaldy.

Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi
Foto: Aleksandr Pavskıı/Kazinform

— Búgingi tańda avtomatty sýarý jáne sý qubyrlaryn tóseý, elektrmen jabdyqtaý, jaryqtandyrý jelilerin tartý, vertıkaldy josparlaý, aǵashtardy sanıtarlyq kesý jáne «Aqqý» sýburqaq keshenine tehnıkalyq bólme ornatý jumystary aıaqtaldy. Sondaı-aq jerge brýschatka tóseý jáne shamdarmen tireýishterdi ornatý jumystary bitti. Saıabaqtaǵy qurylys-montaj jumystary 80 paıyzǵa oryndaldy, — dep jaýap berdi ol Kazinform agenttiginiń saýalyna.

Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi
Foto: Aleksandr Pavskıı/Kazinform

Sonymen qatar, «Álııa, Mánshúk» skverindegi Qyzyl kitapqa engen emen aǵashynyń kesilgeni belgili boldy. Ol saıabaqtyń joǵarǵy shyǵys buryshynda, buryn aty ańyzǵa aınalǵan «Aqqý» dámhanasy ornalasqan aýmaqta ósip turǵan

Ekologııa jáne qorshaǵan ortany qorǵaý basqarmasy basshysynyń orynbasary Madııar Qojekeevtiń aıtýynsha, Almaty qalasynyń jasyl jelekter tizilimine sáıkes bıiktigi 15 metr, jasy 80-nen asqan emen aǵashy qýrap ketken.

Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi
Foto: Aleksandr Pavskıı/Kazinform

— «EcoAlmaty» jaýapkershiligi shekteýli seriktestiginiń mamandary emen aǵashyna tekserý júrgizip, nátıjesinde aǵashtyń túbinen jaryqshaq tabylyp, ózi 15 gradýsqa qısaıyp ketken. Ol aǵashtyń shynymen de jaramsyz ekenin jáne ony alyp tastaý kerektigin kórsetti, — dep túsindirdi ol.

Byltyr ekologııa jáne qorshaǵan ortany qorǵaý departamenti saıabaqta 130-ǵa jýyq qýraǵan jáne qaýipti aǵash kesilgenin habarlady.

Onda barlyǵy 1681 aǵash bar. Qazirdiń ózinde kesilgen aǵashtardyń ornyna 150-den astam jas kóshet otyrǵyzyldy.

Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi
Foto: Aleksandr Pavskıı/Kazinform

Qoǵamdyq keńistikterdi damytý basqarmasynyń málimetinshe, saıabaqta qurylys-montaj jumystaryn júrgizýge 545 mln teńge bólindi.

Almatyda Álııa men Mánshúk atyndaǵy saıabaqta Qyzyl kitapqa engen emen aǵashy kesildi
Foto: Aleksandr Pavskıı/Kazinform

Eske salsaq, Erbolat Dosaev 2023 jyldyń sońyna deıin Álııa Moldaǵulova men Mánshúk Mámetova alańy jóndelip, abattandyratynyn aıtqan edi.

Keıin Qazaq — Brıtan tehnıkalyq ýnıversıtetine qarama-qarsy ornalasqan Álııa men Mánshúk saıabaǵyn jańdandyrýdy moınyna alǵan merdiger uıym jumysty aıaqsyz qaldyryp ketkeni belgili boldy.

Сейчас читают