Almatyda alyp aǵash kóliktiń ústine qulady

Almatynyń ortalyǵynda alyp aǵash kólik ústine qulady, dep habarlaıdy Kazinform.

Onyń vıdeosy áleýmettik jelide tarap jatyr.

Beınejazbadan alyp aǵashtyń jeńil kólikti basyp qalǵanyn kórýge bolady.  

Oqıǵa búgin Qaldaıaqov pen Bógenbaı batyr kósheleriniń qıylysynda bolǵan. 

«Almaty ákimdigi qutqarý qyzmetiniń «109» pýltine qońyraý tústi. Onda Medeý aýdany Qaldaıaqov pen Bógenbaı batyr kósheleri qıylysynda kóliktiń ústine aǵash qulaǵany aıtylǵan. Zardap shekkender joq. Joldy tazalaýǵa qutqarý qyzmetiniń kúsh-quraldary jiberildi», - dep habarlady qalalyq tótenshe jaǵdaılar departamentinen.