Almatyda alıment boıynsha boryshkerlerden 85 kólik tárkilenedi — prokýratýra

ALMATY. KAZINFORM — Almatyda alıment boıynsha 500 mln teńgeden astam bereshek qalyptasqan. 

Medeý aýdany prokýratýrasynyń málimetinshe, júrgizilgen revızııa nátıjesinde 54 boryshkerdiń túrli jyljymaly jáne jyljymaıtyn múlki bar ekeni anyqtalǵan. Qazirgi ýaqytta olarǵa tıesili 85 kólikti tárkileý týraly jeke sot oryndaýshylarǵa baǵdar berildi.

— Qabyldanǵan sharalardyń nátıjesinde 20 mln teńgeden astam alıment qaryzy óndirildi. Sonymen qatar 5 boryshker ákimshilik jaýapkershilikke tartyldy, al 1 alıment tólemeýshige qatysty qylmystyq is qozǵalyp, qazirgi ýaqytta tergeý júrgizilip jatyr, — dep habarlady quqyq qorǵaý organy.

Eske salaıyq, TMD keńistiginde alıment boıynsha sot buıryqtaryn taný tetigi engiziledi.

Sondaı-aq alıment tóleýden qashyp júrgen taksı júrgizýshileri jańa tásilmen anyqtalatynyn jazǵanbyz.