Almatyda alǵashqy qar jaýyp jatyr
ALMATY. KAZINFORM — Almatyda naǵyz kúzgi aýa raıy bastaldy. Qalanyń tómengi bóliginde jańbyr, al joǵary jaǵynda alǵashqy qar jaýyp jatyr.
Bul — Almatyda bıyl jaýǵan alǵashqy qar. Al taýly aımaqta aq ulpa qyrkúıektiń ortasynda-aq túsken edi. Qazir almatylyqtar áleýmettik jelilerde alǵashqy qardyń ádemi kórinisterin jarysa bólisip jatyr.
Sınoptıkter munyń aldynda Almatyda 5 qarashada qar jaýyp, kóktaıǵaq bolatynyn boljaǵan edi. Túnde aýa temperatýrasy −3…−5 gradýsqa deıin tómendeıdi.
Búgin, 2025 jylǵy 4 qazanda Almaty taýlarynda qar jaýdy.
Polıtsııa júrgizýshilerdi saqtyq pen qyraǵylyq tanytýǵa, sondaı-aq kólik quraldaryn qysqy maýsymǵa aldyn ala daıyndaýǵa úndedi.
Al Almaty bıligi turǵyndarǵa qolaısyz aýa raıy kezinde jeke avtokólikpen emes, qoǵamdyq kólikpen qatynaýǵa, ásirese tańerteń jáne keshki ýaqytta jolǵa shyqpaýǵa keńes berdi.
Eske salaıyq, buǵan deıin Almatyda aýa raıynyń kúrt buzylýyna baılanysty kommýnaldyq qyzmetter táýlik boıy jumys isteý rejımine aýysqanyn habarlaǵanbyz.