Almatyda alǵash ret neırostımýlıator ornatý boıynsha ota jasaldy
ALMATY. KAZINFORM – Almaty qalasynyń Ortalyq qalalyq klınıkalyq aýrýhanasynda alǵash ret aıqyn sozylmaly aýyrsyný sındromy bar patsıentke julyn neırostımýlıatory ımplantatsııalandy.
Ortalyq qalalyq klınıkalyq aýrýhananyń neırohırýrgııa bólimshesiniń meńgerýshisi Marat Almatovtyń aıtýynsha, qurylǵy aýyrsyný sıgnaldaryn bógeıtin elektr ımpýlstaryn berip, aýyrsyný sezimin edáýir azaıtýǵa nemese tolyq joıýǵa múmkindik beredi.
Elektrodtar julynnyń VI–VII moıyn jáne I–II keýde segmentteri proektsııasyna ornatylǵan.
– Julyn neırostımýlıatoryn ımplantatsııalaý joǵary tehnologııalyq medıtsınalyq kómek túrine jatady jáne Mindetti áleýmettik medıtsınalyq saqtandyrý júıesi aıasynda júrgiziledi, - dedi ol.
Eske salaıyq, buǵan deıin traktor basyp ketken Aqmola oblysynyń turǵynyna aýdan tarıhyndaǵy eń kúrdeli ota jasaldy.