Almatyda alǵash ret Farapulse Ablation tehnologııasymen júrekke operatsııa jasaldy

ASTANA. KAZINFORM –  Elimizdiń ońtústik óńirinde alǵash ret Kardıologııa jáne ishki aýrýlar ǴZI-da Farapulse Ablation jańa tehnologııasyn qoldana otyryp, júrekke biregeı operatsııa jasaldy. Bul týraly Densaýlyq saqtaý mınıstrligi habarlady.

Operatsııany Zagreb qalasyndaǵy ýnıversıtettik klınıkadan jetekshi Horvat mamany Vedran Velagıchtiń qatysýymen ǴZI ınterventsııalyq arıtmologtary júrgizdi.

– Almaty qalasynda Farapulse Ablation kómegimen operatsııa júrgizý - bul naǵyz serpilis. Bul bizdiń dárigerlerge ozyq álemdik jetistikterdi paıdalanýǵa, emdeý sapasyn arttyrýǵa jáne arıtmııamen aýyratyn patsıentterge úmit berýge múmkindik beredi, - deıdi basqarma tóraǵasy Rústem Tóleýtaev.

Klınıkanyń arıtmologııalyq qyzmetiniń aǵa rezıdenti Asylhan Parımbekovtyń aıtýynsha, Farapulse Ablation - júreksheler fıbrıllıatsııasyn emdeýdiń revolıýtsııalyq ádisi - júrek yrǵaǵynyń eń kóp taralǵan buzylystarynyń biri. Radıojıilik nemese krıoablıatsııany qoldanatyn dástúrli ádisterden aıyrmashylyǵy, Farapulse tehnologııasy elektr órisiniń qysqa, joǵary energetıkalyq ımpýlstaryn qoldanady.

– Bul ımpýlstar tek arıtmııany týdyratyn aýrý júrek jasýshalaryn buza otyryp, zergerlik dáldikpen áreket etedi. Bul rette, qorshaǵan tinder, sonyń ishinde nervter men óńesh zaqymdalmaǵan kúıinde qalady. Bul tásil emsharany qaýipsiz, jyldam jáne tıimdi etedi, operatsııanyń ýaqytyn qysqartady jáne patsıentterdiń qalpyna kelýin tezdetedi, - deıdi doktor.

Júrekshe fıbrıllıatsııasy nemese jypylyq arıtmııa – júrekshelerdiń tez jáne turaqty emes jıyrylýynda kórinetin eń kóp taralǵan aýrýlardyń biri. Onyń eń qaýipti saldary - ınsýltke ákeletin uıyǵan qannyń paıda bolýy.

Alǵashqy patsıentterdiń biri - júreksheler fıbrıllıatsııasynyń paroksızmaldyq túrimen aýyratyn 56 jastaǵy áıel.

Tahı-bradı – aýyr asqyný qaýpi óte joǵary gıpertonııanyń aýyr nysany. Klınıkaǵa túsý kezinde ol uzaqtyǵy 2-3 saǵatqa deıin bolǵan, 2-qabatqa kóterilýi kezindegi jalpy álsizdikpen, fızıkalyq júkteme kezinde entigýmen júrek soǵý jıiliginiń joǵarylaýyna alańdady.

68 jastaǵy taǵy bir patsıent júrekshe fıbrıllıatsııanyń paroksızmaldyq nysany, tahısıstolalyq túri dıagnozymen, júrektiń ıshemııalyq aýrýy, kerneý stenokardııasy, 2022 jyly mıokard ınfarktisi, arterııalyq gıpertonııa, sozylmaly júrek jetkiliksizdigi, shyǵarylý fraktsııasy 34% tómendegen qosalqy dıagnozben júgindi.

Sońǵy 3 jyldyń ishinde oǵan stent ornatyldy, mammarokoronarlyq jáne aortokoronarlyq shýnttaý júrgizildi, kardıoverter-defıbrıllıator ımplantattaldy. Onyń osyndaı shaǵymdary boldy. Operatsııalar sátti ótti, patsıentter jaǵdaıdyń jaqsarǵanyn atap ótti.

2 kúnniń ishinde 10 operatsııa jasaý josparlanyp otyr. Operatsııalar MÁMS sheńberinde tegin júrgiziledi.

Aıta keteıik, Ulytaý oblysynda alǵash ret júrekke ashyq ota jasaldy.