Almatyda áleýmettik jelide balaǵat sóz aıtqan birneshe bloger jazalandy
ALMATY. KAZINFORM – Almaty polıtsııasy áleýmettik jelilerge monıtorıng júrgizý barysynda qoǵamdyq tártipti buzýdyń eki deregin anyqtady.
Qalalyq polıtsııa departamentiniń málimetinshe, birinshi jaǵdaıda avtobloger Azamat Karımov kólik jarysyna qatysty beınejazbada beıádep sózder qoldanǵan. Oǵan usaq buzaqylyq jasaǵany úshin ákimshilik hattama toltyryldy. Bloger sot sheshimimen 5 táýlikke ákimshilik qamaýǵa alyndy.
Ekinshi jaǵdaıda Gúlnaz Qypshaqbaı esimdi jeli paıdalanýshysy áleýmettik jelidegi paraqshasynda beınerolık jarııalap, onda balaǵat sózder aıtqan. Boıjetkenge de ákimshilik hattama toltyrylyp, usaq buzaqylyq jasaǵany úshin 20 AEK mólsherinde aıyppul salyndy.
Polıtsııa áleýmettik jeliler arqyly qoǵamdyq tártipti buzý derekteri nazardan tys qalmaıtynyn eskertti.
Eske salaıyq, TikTok-ta balaǵat sóz aıtqan qyzylordalyq kóshe sypyryp júr.
