Almatyda áleýmettik qyzmet kórsetý ortalyqtary qyzmetkerleriniń jalaqysy ósti

ALMATY. KAZINFORM – Almatyda áleýmettik saladaǵy kómekshi personaldyń jalaqysy 30 paıyzǵa artty. 

Almaty ákimi Erbolat Dosaevpen kezdesý barysynda Áýezov aýdany turǵyndarynyń biri jergilikti áleýmettik qyzmetter ortalyǵy mamandarynyń jalaqysy týraly máseleni kóterdi.

Óz kezeginde Erbolat Dosaev bıyl alǵash ret áleýmettik qamsyzdandyrý jáne bilim berý salasynyń ákimshilik jáne kómekshi personalynyń, sondaı-aq vedomstvolyq baǵynysty áleýmettik mekemeler qyzmetkerleriniń jalaqysy 30%-ǵa artqanyn atap ótti. 

– Bastamamdy qalalyq máslıhat depýtattary qoldady, ol úshin men olarǵa rızamyn. Meniń oıymsha, alǵashqy qadamdar jasaldy jáne osylaısha biz adamdardy óz oryndarynda, ásirese áleýmettik qyzmet kórsetý ortalyqtarynda jaqsy jumys isteýge yntalandyrdyq. Jyl saıynǵy qarjylandyrý únemi artyp keledi, Men ony qadaǵalap otyramyn, - dedi ol. 

Aıtýynsha, 2015 jyldan beri alǵash ret medıtsınalyq-áleýmettik mekemelerdiń qyzmetkerlerine, medıtsınalyq personaldy qospaǵanda, laýazymdyq jalaqyǵa 30% mólsherinde yntalandyrý ústemeaqysy belgilendi. Sonyń arqasynda 1 632 qyzmetker ústemeaqy alady. 

Eske salaıyq, buǵan deıin Almatyda áleýmettik, medıtsınalyq jáne bilim salasy qyzmetkerleriniń jalaqysy ósetini týraly jazǵanbyz.