Almatyda aldaǵy jyldary qandaı medıtsınalyq ortalyqtar ashylady
Almatyda aýrýhana men emhanalar jetispeıdi. Bul týraly Almatyda jýrnalıstermen kezinde Densaýlyq saqtaý mınıstri Ajar Ǵınııat aıtty, dep habarlaıdy Kazinform.
«Almatyda ornalasqan meduıymdar bos emes, naýqastarǵa lyq toly. Sol sebepti aldaǵy ýaqytta Almaty ákimdigi Úkimettiń kómegimen jańa aýrýhanalardy salatyn bolady. Mysaly, Alataý aýdanynda 500 oryndyq perınataldyq ortalyǵy bar kópbeıindi aýrýhana salynady. Sondaı-aq zamanaýı jabdyqtarmen jabdyqtalǵan onkologııalyq ortalyqtyń qurylysy josparlandy. Kelesi jyly ınfektsııalyq aýrýlar boıynsha ulttyq ǵylymı ortalyq paıdalanýǵa beriledi. Qazir onyń qurylysy jaqsy júrip jatyr, keler jyldyń basynda bul ortalyqty ashamyz dep oılaımyn», - dedi Densaýlyq saqtaý mınıstri.
Ajar Ǵınııat atalǵan ortalyqta naýqastar emdelip qana qoımaı, sonymen birge onda ǵylymı jumystar da júretinin atap ótti. Sebebi, búginde elimizde ınfektsııalyq aýrýlardyń ósýi densaýlyq saqtaý salasyny ózekti máselesi bolyp tur.
Eske salsaq, Májiliste «2024 — 2026 jyldarǵa arnalǵan respýblıkalyq bıýdjet týraly» zań jobasyn tanystyrý kezinde Qarjy vıtse-mınıstri Abzal Beısenbekuly úsh jyl ishinde elimizde 655 densaýlyq saqtaý obektisin salý jáne 32 aýdanaralyq aýrýhanany jańǵyrtý josparlanǵanyn aıtqan edi.
