Almatyda alaıaqtyqtyń 30 deregine qatysy bar kúdikti ustaldy
ALMATY. KAZINFORM — Almatynyń Almaly aýdandyq polıtsııa qyzmetkerleri ınternet-platformalarda jalǵan habarlandyrýlar ornalastyryp, turǵyndardy aldap kelgen 18 jastaǵy kúdiktini ustady.
Tergeý málimetinshe, ol shyn máninde joq páterlerdi jalǵa berý týraly habarlandyrý jarııalap, turǵyndardan aldyn ala tólem, tipti tolyq jaldaý aqysyn da alǵan.
Polıtseıler onyń zańǵa qaıshy áreketteriniń shamamen 30 epızodyn anyqtady. Qazirgi ýaqytta kúdiktiniń ózge de uqsas qylmystarǵa qatysy bar-joǵy tekserilip jatyr.
— Kúdikti jolǵa qoıylǵan shema arqyly áreket etken. Biz jábirlenýshilerdiń tolyq sheńberin anyqtaý baǵytynda jedel is-sharalardy jalǵastyryp jatyrmyz. Qala turǵyndaryn onlaın mámileler jasaǵanda, ásirese páter jaldaýǵa qatysty kelisimderde asa muqııat bolýǵa shaqyramyz, — dedi Almaly aýdandyq polıtsııa basqarmasynyń bastyǵy Maqsat Pshan.
Eske salaıyq, buǵan deıin Almatyda zeınetker alaıaqtarǵa 30 myń dollar bergenin jazǵanbyz.
Jedel is-sharalar barysynda halyqaralyq qylmystyq toptyń tapsyrmalaryn oryndap júrgen kýrer ustaldy. Jas jigit Qazaqstanǵa telefon jáne onlaın-alaıaqtyq qurbandarynan alynǵan aqshalaı qarajatty tasymaldaý úshin kelgeni anyqtaldy.