Almatyda alaıaqtar qart adamdardy aldap júr

Almaty polıtsııasy alaıaqtardyń qart adamdardy aldap jatqanyn eskertti, dep habarlaıdy Kazinform.

Almaty qalalyq polıtsııa departamenti azamattardy atalǵan alaıaqtyq túri týraly jaqyn týystary men dostaryn, ásirese qart adamdardy eskertýge shaqyrdy.

«Eger sizge polıtsııa qyzmetkeri qońyraý shalsa, polıtsııa qyzmetkerleri sizden aqsha suraýǵa quqyǵy joq ekenin este ustańyz. Áńgimelesýdi bastamas buryn suhbattasýshy ózin tanystyrýy kerek (aty-jóni, qyzmeti, laýazymy, jumys orny). Bul aqparatty «102» arnasy arqyly tekserip alýyńyz qajet.

Beıtanys adam telefon soqsa, onyń sizge neni jáne qalaı aıtqysy keletinine nazar aýdaryńyz. Alaıaqtar, ádette, asyqtyrýǵa, shatastyrýǵa jáne yqtımal saldaryn aıtyp qorqytýǵa tyrysady», - dep eskertti qalalyq polıtsııa departamentinde.

Polıtsııada, sondaı-aq azamattardy kez kelgen aqparat tekserilýi kerek ekenin jáne beıtanys adamdarǵa aqshany jibermeýge nemese aýdarmaýǵa shaqyrdy.