Almatyda ál-Farabı boıyndaǵy gaz qubyryn qaıta jańǵyrtý kelesi jazda bastalady

ASTANA. KAZINFORM — Almaty ákimdiginiń baspasóz qyzmeti ál-Farabı dańǵylyndaǵy gaz qubyrynyń qaıta jańǵyrtýǵa qatysty aqparattyq habarlama taratty. 

Almaty qalasy ákiminiń kommýnıkatsııa jáne BAQ-pen jumys boıynsha keńesshisi Ilzat Akchýrınniń sózinshe, «QAZAQGAZ AIMAQ» AQ Almaty óndiristik fılıaly jer asty gaz qubyryn qaıta jańǵyrtýdy josparlaǵan bolatyn. Joba Lýganskıı men Armıan kóshelerinen bastap, ál-Farabı dańǵyly boıymen Esentai Mall avtoturaǵyna deıingi aýmaqty, sondaı-aq ál-Farabı dańǵylynan Meńdiqulov býlvaryna deıingi bólikti qamtıdy.

— Jumystardy jaz aıynda júrgizý kózdelgen edi. Alaıda uıymdastyrý máselelerine baılanysty olardyń bastalýy keshikti. Jańa oqý jylynyń bastalýyn, josparlanǵan ýchaskelerde mektepter men balabaqshalardyń kóp shoǵyrlanǵanyn jáne ál-Farabı dańǵylyndaǵy kólik qozǵalysynyń kúrdeliligin eskere otyryp, qala ákiminiń tapsyrmasymen atalǵan jumystar ýaqytsha toqtatyldy. Sonymen birge aıta ketý kerek, orta qysymdy jer asty gaz qubyry 1974 jyly paıdalanýǵa berilgen. Qazirgi tańda ol mindetti túrde qaıta jańǵyrtýdy qajet etedi. Rekonstrýktsııa kelesi jyly, negizgi kólik qozǵalysy azaıatyn jaz aılarynda bastalatyn bolady, — dep túsindirdi Akchýrın.

Budan buryn Almatyda kúrdeli jóndeý jumystarynan keıin úsh medıtsınalyq mekemege iske qosyldy.