Almatyda aqsha aıyrbastaý pýnktiniń janynda turǵynnan 13 mln teńgeni urlap ketti
ASTANA. KAZINFORM – Almatyda Tóle bı dańǵylyndaǵy aqsha aıyrbastaý pýnktiniń janynda qaraqshylyq shabýyl jasaldy.
Qylmys Tóle bı dańǵyly boıynda ornalasqan aıyrbastaý pýnktiniń janynda bolǵan. Beımálim er adam qala turǵynynan 13 mıllıon teńge kólemindegi aqshany tartyp alǵan.
Jedel-izdestirý is-sharalary barysynda Almaly aýdandyq polıtsııa basqarmasynyń qyzmetkerleri kúdikti Almaty qalasynyń 39 jastaǵy turǵynyn anyqtap, ustady.
— Onyń turǵylyqty mekenjaıyn tintý kezinde qylmys jasalǵan sátte beınejazbalarǵa túsken kıimder, aqshalaı qarajat jáne basqa da zattaı aıǵaqtar tabylyp, tárkilendi. Kúdikti ýaqytsha ustaý ızolıatoryna qamaldy. Sotqa deıingi tergeý júrgizilýde, onyń osyǵan uqsas basqa da derekterge qatysy bar-joǵy tekserilip jatyr, — dedi, Almaly aýdandyq polıtsııa basqarmasynyń bastyǵy Maqsat Pshan.
Aıta ketelik Atyraýda urlyq pen alaıaqtyq jıi tirkeledi.