Almatyda AQSh-tan poshta arqyly kelgen esirtki tárkilendi
ALMATY. KAZINFORM – Almaty qalasynyń Esirtki qylmystaryna qarsy kúres basqarmasynyń qyzmetkerleri AQSh-tan kelgen halyqaralyq poshta sálemdemesiniń jolyn kesti.
Sálemdemeniń ishinen ósimdik tektes esirtki zatynyń aıtarlyqtaı mólsheri tabylǵan.
- Polıtsııa qyzmetkerleri tyıym salynǵan zattardyń zańsyz aınalymyn anyqtaý jáne jolyn kesý maqsatynda jedel jáne arnaıy is-sharalardy turaqty túrde júrgizip otyrady. Bul-jalǵyz jaǵdaı emes, mundaı derekter buǵan deıin de tirkelgen. Osyndaı quqyq buzýshylyqtardyń aldyn alý boıynsha júıeli jumystardy jalǵastyramyz. Zań barlyǵyna birdeı, mundaı áreketter úshin jazanyń bultartpastyǵy - jumysymyzdyń basty qaǵıdalarynyń biri, — dedi Esirtki qylmystaryna qarsy kúres basqarmasynyń bastyǵy Murat Jumabaev.
Atalǵan derek boıynsha sotqa deıingi tergeý bastaldy. Kúdikti qamaýǵa alyndy.
Eske salaıyq, klimizde bir aptada 750 keliden astam esirtki tárkilendi.