Almatyda AQSh pen Ortalyq Azııa elderi arasyndaǵy «V5+1» platformasy resmı iske qosylady
ASTANA. KAZINFORM – Almatyda AQSh pen Ortalyq Azııa elderi arasyndaǵy «V5+1» platformasy resmı iske qosylady.
Bul týraly Syrtqy ister mınıstrliginiń resmı ókili Aıbek Smadııarov kezekti brıfıngide aıtty.
«13-15 naýryz aralyǵynda Almaty qalasynda Ortalyq Azııa elderi men AQSh úkimetteriniń, bıznes qoǵamdastyq ókilderiniń qatysýymen V5+1 forýmyn ótkizý josparlanýda.
Atalmysh bastama úkimetter men bıznes V5+1 qoǵamdastyq arasyndaǵy ózara belsendi is-qımyldy qamtamasyz etýge, Ortalyq Azııa óńirindegi mańyzdy ekonomıkalyq máselelerdi jáne olardy sheshý jónindegi naqty qadamdardy talqylaýǵa arnalǵan alań.
Sonymen qatar, bul is-shara 2023 jylǵy qyrkúıekte Nıý-Iorktegi memleket basshylarynyń sammıtinde usynylǵan V+1 platformasynyń iske qosylýy bolady», - dedi Aıbek Smadııarov.
