Almatyda AQSh konsýldyǵyna jer telimi berilmek
ASTANA. KAZINFORM — Parlament Májilisiniń qaraýyna «Qazaqstan Úkimeti men AQSh Úkimeti arasyndaǵy Almaty qalasynda Amerıka Qurama Shtattarynyń konsýldyq mekemesiniń úı-jaılaryn salý úshin AQSh Úkimetine jer ýchaskesin jalǵa berý týraly kelisimdi ratıfıkatsııalaý týraly» zań jobasy kelip tústi.

— Osy kelisimge Nıý-Iorkte byltyr 27 qyrkúıekte qol qoıyldy. Qujattyń maqsaty — Amerıka Qurama Shtattarynyń Úkimetine Almaty qalasyndaǵy AQSh konsýldyq mekemesiniń úı-jaılaryn salý jáne paıdalaný úshin 49 jyl merzimge aýdany 70 myń sharshy metrden asatyn jer ýchaskesin jalǵa berý. Kelisimde jer telimin berý tártibi men sharttary aıqyndalǵan. Májilistiń Halyqaralyq ister, qorǵanys jáne qaýipsizdik komıteti atalǵan zań jobasy boıynsha qorytyndy ázirleýge daıyn, — dedi Májilis depýtaty Aıgúl Quspan.
Eske salsaq, jaqynda AQSh-tyń Qazaqstandaǵy elshisi Denıel Rozenblıým elimizdegi mansabyn aıaqtap, zeınetke shyqty.