Almatyda aqqýǵa qatygezdik kórsetken azamat 7 kúnge qamaldy

ALMATY. KAZINFORM — Bul týraly Almaty qalasynyń Bas botanıkalyq baǵy habarlady.

Botanıkalyq baq málimetinshe, ersi áreket etken 1983 jylǵy azamat bir táýlik ishinde ustalǵan.

— Bul is boıynsha sot otyrysy búgin ótti. Sot er adamdy 7 táýlikke ákimshilik qamaýǵa alý jazasyn taǵaıyndady. Bul — baq aýmaǵynda janýarlarǵa qatygezdik tanytqan, ádepsiz jáne orynsyz áreket jasaǵan adamdardyń jaýapkershilikke tartylatynynyń aıqyn mysaly. Bas botanıkalyq baq — erekshe qorǵalatyn tabıǵı aýmaq, onda arnaıy erejeler men kóptegen shekteý qoldanylady. Mundaǵy janýarlar men ósimdikter qorǵaýǵa alynǵan, — dep habarlady baq baspasóz qyzmeti.

Eske salaıyq, buǵan deıin Almatynyń Botanıkalyq baǵynda aqqýdyń moınynan tartqan adam izdestirilip jatqanyn jazǵanbyz.